گردشگری آراز اولکسی **شهرستان جلفا**
وبلاگ علمی، فرهنگی ، و راهنمای گردشگری منطقه شهرستان جلفای آراز(ارس)
پنجشنبه بیست و نهم اسفند 1387
حیدربابا
بایرامیدی ، گئجه قوشی اوخوردی،
آداخلی قیز بیک جورابین توخوردی،
هرکس شالین بیر باجادان سوخوردی،
آی نه گوزل قایدادی شال ساللاماق!
بیک شالینا بایراملیغین باغلاماق!
شال ایستدیم منده ائوده آغلادیم،
بیر شال آلیب تئز بئلیمه باغلادیم،
غلام گیله قاشدیم شالی ساللادیم،
فاظمه خالا ، منه جوراب باغلادی ،
خان ننه می ، یادا سالیب آغلادی،
بایرام اولوب ، قیزیل پالچیق ازللر،
ناقیش ووروب، اتاقلاری بزللر،
ظاقچالارا دوزمه لری دوزللر،
قیز-گلینین فندقچاسی، حناسی،
هوسلنه ر آناسی ، قاینانسی،
نوشته شده توسط مهدی حقّی
در 21:44 | لينک ثابت
•
